من روائع الشعر الحمصي في الغزل

بحبك حب مش مألوف
لا بينكتب ولا بيتعبى بظروف
بحبك متل عامود مقروف
بحب تكوني فصة وكون أنا الخاروف
بحب تكوني سلق وكون أنا الملفوف
بحب تكوني فقيرة وكون أنا المنتوف
بحب تكوني ليرة ومعي أنا الألوف
بحب تكوني جيبي وكون أنا المصروف
بحب تكوني كمبيوتر وكون أنا الكيبورد و الحروف
بحب تكوني أصالة وكون أنا الوسوف
بحب تكوني طابة وكون أنا برباتوف
بحبك محبة القطة للفارة
بحبك محبة الدولاب للسيارة
بحبك محبة الشرطي للصفارة
بحبك محبة الجزرة للبشارة
بحب عيونك اللي بلون الخيارة
بحب تمك اللي قد السحارة
بحب طولك وفشرت السيكارة
بحب صوتك اللي بيصرع الحارة
دقات قلبي متل ورشة نجارة
أنتي الخشب والبرغي والبسمار والدقارة
أنتي العمش بعيوني المحتارة
إذا متت بتكوني السبب وإن ما متت ان شاالله ترفسني شي حمارة