منتدى الاحباب
تمنى أن تقضي وقتا ممتعا معنا
إذاى لم تكن عضو الرجاء تسجيل عضويتك
منتدى الاحباب
تمنى أن تقضي وقتا ممتعا معنا
إذاى لم تكن عضو الرجاء تسجيل عضويتك
منتدى الاحباب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الاحباب

منتدى يتواجد فيه كل ما هو جديد ومفيد
 
الرئيسيةأحدث الصورالتسجيلدخول
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى والمنتدى فيه مزايا رائعة جدا ADMIN الدعوة عامة
الرجاء من جميع الأعضاء المسجلين الجدد الدخول إلى ايميلاتهم وتفعيل(تنشيط) عضويتهم لكي يتم الدخول على المنتدى بسهولة
بشرى سارة من الأن يمكنكم التواصل معنا بسهولة أكثر وذلك من خلال ارسال اقتراحاتكم وملاحظاتكم الينا عبر العنوان التالي: AL_AHBAB.MAM9@HOTMAIL.COM

 

 النصيحة بجمل

اذهب الى الأسفل 
كاتب الموضوعرسالة
ahmad

ahmad


رقم العضوية : 3
عدد المساهمات : 371
نقاط : 8512
السٌّمعَة : 8
تاريخ التسجيل : 23/11/2010
لائحة الصور : مشفر
الدولة : إفتراضي
مهنتي : النصيحة بجمل Studen10
هوايتي : النصيحة بجمل Swimmi10
المزاج : مشفر
النصيحة بجمل Jb12915568671

النصيحة بجمل Images?q=tbn:5LLhFJAihNQQUM

النصيحة بجمل Images?q=tbn:a-YULOtg1hVDvM

النصيحة بجمل A6

النصيحة بجمل Images?q=tbn:_JUDXSB1qMd2eM


النصيحة بجمل 1_78







النصيحة بجمل Empty
مُساهمةموضوع: النصيحة بجمل   النصيحة بجمل Emptyالجمعة 18 فبراير 2011, 4:00 am



يحكى أن ...النصيحة بجمل



كان في واحد في هالزمانات طفشان وطفران وعايف التنكة زي ما بيقولوا ...
قرر يهج من البلد

ويدوّر على فرج الله في مكان ثاني ؛
طلع من بلده ورجليه ساقوه لبيت واحد من هالاجاويد عرض عليه يشتغل عنده ويكرمه ؛
فوافق واشتغل عنده يرعى الابل ويقدم القهوة العربية للضيوف وينام في مكان العمل
اشتغل عنده ييجي عشر سنين ؛ وقرر بعدها يرجع لبيته واهله وينهي سنين الغربة

استاذن من صاحب البيت وصاحب البيت طلع كريم اعطاه شوية جمال وغنم مكافاة نهاية الخدمة
ورجع الزلمة مبسوط ؛ وفي الطريق (وكانت خلا ومثل الصحرا)
شاف زلمة كبير بالسن قاعد جنب خيمة ناصبها وعايش فيها لحاله
سلم عليه وقالو : ايش قاعد بتسوي هين لحالك بها الخلا يا عم ؟
قالو : انا تاجر
تعجب الزلمة طبعا وسأله : وشو تجارتك ؟ ووين بضاعتك ؟
قالو : انا ببيع نصائح للمسافرين
الزلمة : بتبيع نصائح ؟ ؟ وقديش تسعيرة النصيحة هالايام؟
الشيخ : كل نصيحة ببعير .. جمل ... (يعني حق النصيحة جمل)
الزلمة (صفن) وصار يفكر بهالنصائح (الغالية جدا) اللي عند الشيخ
وقرر يجازف بجمل من جماله ويشتري نصيحة ويشوف
الزلمة : خذ هالجمل وهاتلك نصيحة ؛ وتوصى الله يسعدك
فقال له الشيخ :
نصيحتي الك" إذا طلع سهيل ؛؛؛؛ لا تأ مّن للسيل " .

الزلمة صفن مرة ثانيه وقال ياعمي هالنصيحة يمكن غالية بس مش رح تفيدني بهالصحرا ؛
فقرر يجازف بجمل ثاني ويشتري كمان نصيحة
الزلمة : خذ هاذا جمل ثاني وهاتلك كمان نصيحة مرتبة الله يسعدك

فقال له الشيخ :
نصيحتي الك " أبو عيون بُرْق ؛؛؛ وأسنان فُرْق ؛؛؛ لا تأمّن له " .

كمان مرة صفن الزلمة وهو مش عاجبته البضاعة مية بالمية وقرر يشتري كمان نصيحة واخر نصيحة ويجرب حظه للمرة الثالثة والاخيرة

فقال له الشيخ : نصيحتي الك " نام على النَّدَم ولا تنام على الدم " .

الزلمة شاف النصيحة الثالثة برضو مش محرزة قرر يستعوض ربنا بالجمال الثلاث ويكمل طريق الرجعة ؛ سلم عالشيخ وطلع

ظل يمشي لحد ما غربت الدنيا عليه فنزل عند عربان ناصبين خيمهم بقاع الوادي
تعشى وسهر مع الناس وراح ينام ؛ والا وهو يلمح نجم سهيل بالسما ؛ ويتذكر النصيحة
ويفز من الفرشة مثل المقروص ويروح على شيخ العشيرة وقالو القصة وطلب منه يحذر عشيرته
شيخ العشيرة قالو ارجع نام واتغطى مليح بلا هبل
الزلمة قال لحالو انا دافع دم قلبي عالنصيحة لا والله ماني قاعد هين ؛ حمل حالو وهج على طول ؛ اخذ هالجاعد ونام على تلة بعيدة عن الوادي
وفعلا باخر الليل يهدر الرعد وينزل المطر ويصير سيل جرف الوادي والبيوت والعربان
الزلمة ترحّم عليهم ؛ وكمل مشوار السفر

حتى وصل لبيت بالصحرا وكان ضروري يرتاح فراح على صاحب البيت ورحّب فيه بقوة وبطريقة ملفتة للانتباه ؛

دقق النظر بصاحب البيت والا وهو عيونه زرق واسنانه فرق

قال اها : والله الظاهر حق النصايح ماراح هدر

قال لصاحب البيت اسمحلي انا بدي انام جنب المواشي والجمال ؛ هيك متعود
قالو مافيه مشكلة هلا بيك هلا بيك هلا بيك

وراح بنص الليل حط حجارة مكان الفراش تبعه ؛ وراح تخبى بمكان قريب علشان شوف شو رح
يساوي صاحب البيت وفعلا اجا صاحب البيت وعلى روس اصابعه وحامل هالسيف وبسرعة خبط السيف بالفراش ؛ الزلمة على طول هجم عليه من وراه ومسك السيف وقالو :
والله ياكلب حق النصيحة كان غالي فعلا بس بيستاهل ؛ طمعان بغنمي وجمالي بدك تقتلني ؛
وبسرعة خبطه وقتله ؛ وحمل حالو مع البعير وكمل مشوار السفر

واخيرا وبعد عذاب الطريق وصل بلده ؛ وبيته ؛ فترك البعير بره البيت ودخل بهدوء شديد
قال عشان يعملّها الهم مفاجاة
وشاف مرته نايمة رايحه في النوم ؛؛؛؛؛؛؛؛؛؛؛؛؛؛؛؛؛؛ وجنبها نايم زلمة برضو !!!
حمي الدم في عروقه ؛ وعصب ؛ ومسك السيف وبدو يجز رقبته ورقبتها
بس الله ستر وتذكر النصيحة الثالثة واللي بتقول : نام على الندم ولا تنام على الدم "
هدي وراق وصفن شويه وطلع من البيت ؛ ونام مع الغنم والبعير
وقال الصباح رباح ومن هين للصبح بيفرجها الله
وطلعت شمس الصباح ورجع عالبيت ؛ والناس تشوفه وتعرفه وترحب فيه بما فيهم اهل البيت
وقالت له مرته : الله يسامحك طولت علينا الغيبة ؛ شوف ابنك كيف كبر وصار زلمة
اطلع فيه ولا هو نفس الزلمة اللي شافو بالليل وكان بدو يقص رقبته
حمد ربنا وقال: اي والله هالنصائح كانت اغلى من ثمنها بكثير

والخلاصة يا اخوتي ان الناس كانت تقدر ثمن النصيحة وتفهمها وتعمل فيها
بس هالايام النصائح ببلاش ؛ والناس ما بتتذكرها الا بعد فوات الاوان
والعبرة من هذه القصة الرمزية وهي من قصص الاجداد
ان العمل بالنصيحة الجيدة من اهل الخبرة تكون ربحا جليا لمن عمل بها
ومن لم يسمع للنصيحة فخسارته جلية
الرجوع الى أعلى الصفحة اذهب الى الأسفل
 
النصيحة بجمل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاحباب :: الحوارات :: القصص والحكايات-
انتقل الى: